ນັກສຶກສາທີ່ທຸກຍາກຈາກເຂດຫ່າງໄກສອກຫຼີກ ພົບບັນຫາທີ່ເຂົາເຈົ້າບໍ່ສາມາດເຂົ້າມາສຶກສາຮ່ຳຮຽນທີ່ວິທະຍາໄລກະສິກຳ ແລະ ປ່າໄມ້ພາກເໜືອ ເຖິງແມ່ນວ່າຄ່າໃຊ້ຈ່າຍທັງໝົດເຂົ້າໃນການສຶກສາຮ່ຳຮຽນບໍ່ສູງ-ມູນຄ່າປະມານ 2.225 ດອນລາສະຫະລັດສຳລັບຮຽນຈົບ 3 ປີໃນລະບົບຊັ້ນສູງ. ສະນັ້ນ, ທາງວິທະຍາໄລກຳລັງຊອກຫາທຶນຊ່ວຍເຫຼືອຈາກບຸກຄົນຝ່າຍເອກະ ຊົນ, ບໍລິສັດ, ເຈົ້າຂອງທຶນ ຫຼື ໂຄງການຕ່າງໆເພື່ອຕອບສະໜອງທຶນການສຶກສາໃຫ້ແກ່ນັກສຶກສາທີ່ທຸກຍາກ.

ວິທະຍາໄລກະສິກຳ ແລະ ປ່າໄມ້ໄດ້ຕັ້ງມາດຖານໃນການຄັດເລືອກສຳລັບບົດບາດຍິງ-ຊາຍ, ສະພາບຄອບຄົວ, ຄວາມທຸກຍາກ, ການກຕຸກຊຸກຍູ້ ແລະ ຄວາມສາມາດໃນສັງຄົມ. ຖ້າເຈົ້າ ຮູ້ສຶກຢາກຊ່ວຍເຫຼືອນັກສຶກສາດັ່ງກ່າວ ກະລຸນນາອ່ານເພີ່ມເຕີມໃນເອກະສານຕັດຄັດ ແລະ ຕິດຕໍ່ພວກເຮົາ ເພື່ອໃຫ້ຂໍ້ມູນລະອຽດອີກຕື່ມ.

ໃນວັນທີ 17 ເດືອນກັນຍາ ປີ 2011 ທີ່ຜ່ານມາ ຢູ່ທີ່ວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ຈັດພິທີມອບ-ຮັບການພັດທະນາພື້ນຖານໂຄ່ງລ່າງ ໂດຍມີບັນດາຄະນະ ການນຳຂັ້ນສູງ ແລະ ບັນດາແຂກຂັ້ນສູງເຂົ້າຮ່ວມເຊັ່ນ: ພະນະທ່ານ ວິໄລວັນ ພົມເຂ, ລັດຖະມົນຕີກະຊວງກະສິກຳ ແລະ ປ່າໄມ້, ພະນະທ່ານ ເອກອັກຄະລະຊະທູດ ສະວິດ ເຊີແລນປະຈຳລາວ, ພະນະທ່ານ ຄຳແພງ ໄຊສົມແພງ ເຈົ້າແຂວງຫຼວງພະບາງ ໄດ້ໃຫ້ກຽດ ເຂົ້າຮ່ວມໃນພິທີ. ມູນຄ່າການກໍ່ສ້າງຕ່າງໆ ຊຶ່ງໄດ້ຮັບການສະໜັບສະໜູນຈາກ ລັດຖະບານ ສະວິດເຊີແລນ ລວມມູນຄ່າທັງໝົດ 1,527,853 CHF, ປະມານ 1,655,312 ດອນລາ ສະຫັດລັດ ໂດຍໄດ້ນຳໃຊ້ເຂົ້າໃນການກໍ່ສ້າງອາຄານຮຽນ 1 ຫຼັງ, ຫ້ອງທົດລອງ 1 ຫຼັງ, ຫໍພັກ 2 ຫຼັງ, ຮ້ານອາຫານ 1 ຫຼັງ, ເຮືອນຄົວ 2 ຫຼັງ, ເຮືອນຄະນະຮັບຜິດຊອບ ນັກສຶກສາ 1 ຫຼັງ, ເຮືອນປະຈໍາຟາມ 8 ຫຼັງ, ຟາມ 3 ຫຼັງ, ສະໜາມກິລາໃໝ່, ລະບົບໄຟຟ້າໃໝ່, ລະບົບນຳໃຊ້ໃໝ່, ລະບົບການກະຈາຍນ້ຳບຳບັດ ແລະ ໜ່ວຍງານຜະລິດນ້ຳດື່ມບໍລິສຸດ.

ການປັບປຸງພື້ນຖານໂຄງລ່າງທັງໝົດນັ້ນ ຈະເປັນການປະກອບສ່ວນໃນອັນໃຫຍ່ຫຼວງ ໃນການເສີມສ້າງວິທະຍາໄລກະສິກຳ ແລະ ປ່າໄມ້ພາກເໜືອ ໃຫ້ກາຍເປັນສູນແຫ່ງຄວາມ ເປັນເລີດທາງດ້ານການພັດທະນາກະສິກຳເຂດເນີນສູງ ໂດຍການເຊື່ອມໂຍງພື້ນຖານໂຄງ ລ່າງກັບການຈັດຕັ້ງຫຼັກສູດທີ່ເນັ້ນຄວາມຊຳນານເປັນຫຼັກ, ລະບົບການຈັດການທີ່ທັນສະໄໝ ແລະ ລວມທັງການກໍ່ສ້າງຄວາມອາດສາມາດ.

ປົດສະເຕີ ແລະ ແນວຄວາມຄິດໃນການບໍລິຫານສຳລັບຟາມຂອງວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ດຳເນີນສ້າງແນວຄວາມຄິດດ້ານການບໍລິຫານຈັດການຟາມ, ແນວຄິດ ດັ່ງກ່າວແມ່ນຈະຊ່ວຍອຳນວຍຄວາມສະດວກໃຫ້ການບໍລິຫານຈັດການຟາມ ຊຶ່ງໄດ້ເນັ້ນໃສ່ ກ) ການສິດສອນ ແລະ ການຜະລິດ, ຂ) ການສ້າງລາຍຮັບ, ຄ) ການຄົ້ນຄວ້າ. ໂຄງການ SURAFCO ໄດ້ລິເລີ່ມການດຳເນີນກອງທຶນໝູນວຽນໃນການຈັດຕັ້ງປະຕິບັດ 20 ຟາມ ແລະ ສະໜັບສະໜູນໃນການຈັດຊື້ດ້ານອຸປະກອນທີ່ນຳໃຊ້ໃນຟາມ.
ປົດສະເຕີສຳລັບແຕ່ລະຟາມໄດ້ຮັບພັດທະນາເພື່ອແນະນຳວັດຖຸປະສົງຂອງຟາມ ແລະ ບັນດາກິດຈະກຳຫຼັກທີ່ກ່ຽວຂ້ອງ. ເນື່ອງຈາກວ່າເປັນບາດກ້າວທຳອິດໃນການພັດທະນາອຸປະ ກອນສຶກສາໂດຍນຳໃຊ້ປົດສະເຕີເຂົ້າໃນການສິດສອນ.

ໃນລະຫວ່າງເດືອນກໍລະກົດ ແລະ ສິງຫາມານີ້, ຍຸດທະສາດການບຳລຸງຮັກສາສຳລັບພື້ນຖານໂຄງລ່າງ ແລະ ອຸປະກອນ ໄດ້ຈັດຕັ້ງປະຕິບັດຢ່າງມີປະສິດທິດພາບ ພ້ອມດຽວກັນນັ້ນຄູ່ມືຍຸດ ທະສາດການບຳລຸງຮັກສາກໍໄດ້ຮັບການປັບປຸງຄືນ, ຍຸດທະສາດລວມເຖິງການສ້າງທີມງານດຳ ເນີນການທາງດ້ານເຕັກນິກ ແລະ ການບຳລຸງຮັກສາ ການປັບປຸງບັນດາໜ້າວຽກທີ່ກ່ຽວຂ້ອງ, ການກະກຽມງົບປະມານໃນການລຳລຸງຮັກສາ ແລະ ຈັດເກັບບັນດາອຸປະກອນຄົງຄ້າງໃນສາງ ຂອງວິທະຍາໄລທັງໝົດ ເປັນຕົ້ນອຸປະກອນ ແລະ ຊັບສິນຕ່າງໆ. ສ່ວນຝຶກອົບຮົມດ້ານເຕັກ ນິກການບຳບັດນ້ຳເສຍ, ອຸປະກອນໄຟຟ້າ, ນ້ຳສະອາດ, ການສ້າງລະບົບຄວາມປອດໄພດ້ານ ເທັກໂນໂລຢີ, ການສ້າງລະບົບເຕືອນໄພດ້ວຍແສງຕາເວັນ, ລະບົບ GPS ແລະ ການສ້າງແຜນ.

ເລີ່ມແຕ່ວັນທີ 22 – 31 ສິງຫາ 2011. ວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ຈັດ ຝຶກອົບຮົມການພັດທະນາຫຼັກສູດຄັ້ງທີ 10 ໂດຍເປັນປະທານຂອງທ່ານ ທອງສະມຸດ ພູມມະສອນ ຮອງອຳນວຍການວິທະຍາໄລກະສິກຳ ແລະ ປ່າໄມ້ພາກເໜືອ, ມີທ່ານ ນາງ ເອນເດຣຍ ໂຊຣເຕີ, ຫົວໜ້າຊ່ຽວຊານປະຈຳໂຄງການ SURAFCO, ຊ່ຽວຊາຍສະເພາະດ້ານພັດທະນາຫຼັກສູດຈາກວິທະຍາໄລ ກະສິກຳສະວິດເຊີແລນ ແລະ ບັນດາຄູອາຈານຈາກວິທະຍາໄລກະສິກຳ ແລະ ປ່າໄມ້ພາກເໜືອເຂົ້າຮ່ວມ. ຈຸດປະສົງຂອງກອງປະຊຸມແມ່ນເພື່ອແນໃສ່ການພັດທະນາອຸປະກອນການສິດສອນ ແລະ ການວາງແຜນ ສົກຮຽນ 2011 – 2012. ກອງປະຊຸມດໍາເນີນ 3 ວັນ ໄດ້ຮັບການທຸ້ມເທເພື່ອປັບປັບປຸງການບໍລິຫານ ຂອງວິທະຍາໄລ. ອຳນວຍການວິທະຍາໄລກະສິກຳສະວິດເຊີແລນ ທ່ານ ດຣ. ອັນເຝຣດບຣູດສ໌ ກໍໄດ້ມາ ຢ້ຽມຢາມວິທະຍາໄລ ພິເສດແມ່ນບັນດາບົດຮຽນທີ່ທ່ານນຳມາໃຫ້ ແລະ ການສະໜອງດ້ານປັດໃຈອື່ນໆ.

ໃນວັນທີ 8 ສິງຫາ 2011 ຜ່າມມານີ້. ກະຊວງກະສຶກສາທິການ ແລະ ກິລາ ຮ່ວມກັບບັນດາອົງ ການຈັດຕັ້ງສາກົນ ໄດ້ຈັດກອງປະຊຸມແຫ່ງຊາດວ່າດ້ວຍການສຶກສາທີ່ສູນ ICTC ທີ່ນະຄອນຫຼວງວຽງຈັນ. ກອງປະຊຸມໄດ້ເນັ້ນໃສ່ການແລກປ່ຽນປະສົບການ ລະຫວ່າງຜູ້ໄດ້ຮັບຜົນປະໂຫຍດທີ່ກ່ຽວຂ້ອງເພື່ອປັບປຸງ ຍຸດທະສາດການສຶກສາຢ່າງເປັນທາງການ ເປັນຕົ້ນການຝຶກອົບຮົມນອກລະບົບ ແລະ ອະຊີວະສຶກສາ ພ້ອມທັງໄດ້ຈັດງານວາງສະແດງໂດຍມີອົງການຈັດຕັ້ງ ແລະ ບັນດາໂຄງການຕ່າງໆເຂົ້າຮ່ວມ ເພື່ອນຳສະ ເໜີກິດຈະກຳຕ່າງໆ ແລະ ວິທີຈັດການທີ່ໄດ້ຈັດຕັ້ງປະຕິບັດໄລຍະຜ່ານມາ.

ໃນລະຫວ່າງວັນທີ 1 ແລະ 5 ເດືອນ ສິງຫາມານີ້. ການປ້ອງກັນບົດລາຍທ້າຍການສຶກສາໄດ້ຈັດຂຶ້ນ ສຳລັບນັກຮຽນຊັ້ນປີທີ 3 ຫຼຸ້ນທີ 20 ຊຶ່ງພິທີຈັດຂຶ້ນໃນວັນທີ 1 ສິງຫາ, ກ່າວເປີດພິທີໂດຍ ທ່ານ ສົມພັງ ປຣະດິຈິດ, ຫົວໜ້າພະແນກກະສິກຳ ແລະ ປ່າໄມ້ແຂວງຫຼວງພະບາງ. ມີບັນດາທ່ານຕາງໜ້າຈາກບັນດາ ອົງການຈັດຕັ້ງຕ່າງໆອ້ອມຂ້າງພະແນກກະສິກຳ ແລະ ປ່າໄມ້ແຂວງຫຼວງພະບາງ, ວິທະຍາໄລກະສິກຳ ແລະ ປ່າໄມ້ພາກເໜືອ, ບັນດານັກສຶກສາ ແລະ ຄູອາຈານເຂົ້າຮ່ວມ.

ລະຫວ່າງວັນທີ 26 – 30 ກໍລະກົດ 2011. ວິທະຍາໄລກະສິກຳ ແລະ ປ່າໄມ້ພາກເໜືອໄດ້ໄປທັດສະ ນະທີ່ປະເທດຫວຽດນາມ ເພື່ອລົງນາມບົດບັນທຶກຄວາມເຂົ້າໃຈກັບຝ່າຍມະຫາວິທະຍາໄລກະສິກຳ ແລະ ປ່າໄມ້ໄທຫງວຽນ ຈຸດສຳຄັນຂອງບົດບັນທຶກຄວາມເຂົ້າໃຈແມ່ນເນັ້ນໃສ່ການສ້າງການຮ່ວມມື ຊຶ່ງຈະສ້າງຜົນປະໂຫຍດຮ່ວມກັນທັງສອງສະຖາບັນ ລວມທັງການສ້າງຂີດຄວາມສາມາດຂອງຄູອາຈານ ໄລຍະສັ້ນ ແລະ ໄລຍະຍາວເປັນຕົ້ນ: ການຄົ້ນຄວ້າຮ່ວມກັນ, ການແລກປ່ຽນຂໍ້ມູນຂ່າວສານ, ການພົບປະ ແລະ ການທັດສະນະສຶກສາ.

ໃນວັນຈັນທີ 20 ກໍລະກົດ 2011 ນີ້. ວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ຈັດກອງ ປະຊຸມທົບທວນວຽກງານກັບທຸກຄະນະວິຊາ ແລະ ບັນດາຫ້ອງການ ເພື່ອປຶກສາຫາລືຄວາມຄືບໜ້າຂອງ ເດືອນທີ່ຜ່ານມາ, ຜົນສຳເລັດ, ຂໍ້ບົກຜ່ອງ ແລະ ວິທີການປັບປຸງແກ້ໄຂໄດ້ຖືກປຶກສາຫາລື ແລະ ເຫັນດີໃນກອງປະຊຸມ.

ໃນຕອນເຊົ້າຂອງວັນທີ 15 ກໍລະກົດ 2011 ຜ່າມມານີ້ ວິທະຍາໄລກະສິກຳ ແລະ ປ່າໄມ້ພາກເໜືອໄດ້ຈັດກອງປະຊຸມປຶກສາຫາລືກ່ຽວກັບການຮ່ວມມືໃນອານາຄົດ ລະຫວ່າງວິທະຍາໄລ ແລະ ໂຄງການ ACIAR ຊຶ່ງການກະກຽມ ແລະ ການຮ່າງເນື້ອໃນບົດບັນທຶກຄວາມເຂົ້າໃຈແມ່ນນອນໃນວາລະ ກອງປະຊຸມໃນຄັ້ງນີ້.

ໃນວັນທີ 1 ມິຖຸນາ 2011 ປະເທດລາວໄດ້ສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ. ວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ຈັດພິທີສະຫຼອງວັນສຳຄັນດັ່ງກ່າວ, ມີບັນດາພະນັກງານ, ຄູອາຈານ ແລະ ນັກສຶກສາເຂົ້າຮ່ວມກິດຈະກຳປູກຕົ້ນໄມ້ ແລະ ດອກໄມ້ປະດັບໃນບໍລິເວນຂອງວິທະຍາ ໄລ ເພື່ອເປັນການສ້າງຜູກຈິດສຳນຶກໃນການປົກປັກຮັກສາສິ່ງແວດລ້ອມ ແລະ ການປ່ຽນແປງຂອງສະ ພາບແວດລ້ອມ.

ເລີ່ມແຕ່ວັນທີ 27 ຫາ 28 ເມສາ. ວິທະຍາໄລກະສິກຳ ແລະ ປ່າໄມ້ ພາກເໜືອໄດ້ຈັດການ ຝຶກອົບຮົມເຕັກນິກການປູກມັນຕົ້ນສຳລັບຊາວກະສິກອນຈາກເມືອງໂພນໄຊ ແລະ ເມືອງ ປາກແຊງ, ຈຸດປະສົ່ງເພື່ອສະໜອງຂໍ້ມູນພື້ນຖານ ແລະ ສາທິດເຕັກນິກການປູກມັນຕົ້ນໃຫ້ແກ່ຊາວກະສິກອນ.

ໃນວັນທີ 26 ພຶດສະພາ. ກອງປະຊຸມໄດ້ຈັດຂຶ້ນໂດຍຕ່າງໜ້າເຂົ້າຮ່ວມຈາກມູນນິທິຍີ່ປຸ່ນ, CIAT, ມະຫະວິທະຍາໄລຊາໂມຣາໂນ ແລະ ບັນດາພະນັກງານຈາກວິທະຍາໄລກະສິກຳ ແລະ ປ່າໄມ້ພາກເໜືອ ເຊິ່ງປະຈຸບັນມີນັກຮຽນ 3 ຄົນຈາກມະຫາວິທະຍາໄລຊາໂມຣາໂນໄດ້ລົງຝຶກງານທີ່ວິທະຍະໄລ. ກອງປະຊຸມໄດ້ຖືກດຳເນີນເພື່ອໃຫ້ຄຳແນະນຳແກ່ນັກຮຽນໃນວຽກເຂົາເຈົ້າ ແລະ ເພື່ອປຶກສາຫາລືການຮ່ວມມືໃນອະນາຄົດ.

ໃນລະຫວ່າງວັນທີ 921 ພຶດສະພາ 2011. ທີມງານການນຳຈາກ ວິທະຍາໄລກະສິກຳ ແລະ ປ່າໄມ້ໄດ້ຈັດທັດສະນະສຶກສາທີ່ສະວິດເຊີແລນ ເພື່ອແລກປ່ຽນຄວາມຮູ້ກ່ຽວກັບບົດຮຽນດ້ານກະສິກຳ, ການສອນ ແລະ ວິທີການຮຽນຮູ້ ເພື່ອນຳໃຊ້ໃນພາກປະຕິບັດການຮຽນຮູ້ ແລະ ການບໍລິຫານຟາມ. ທີມ ງານຝ່າຍລາວໄດ້ມີໂອກາດໄປທັດສະນະສຶກສາການປະຕິບັດວຽກຮ່ວມກັບຄູ່ຮ່ວມງານ ທີ່ສະວິດເຊີແລນດ໌ເຊັ່ນ: ອົງການ ເຮວເວຕັດສ໌, ອົງການສະວິດສ໌ເພື່ອການພັດທະນາ ແລະ ການຮ່ວມມືວິທະຍາໄລສະວິດສ໌ເພື່ອການສິກຳ, ສູນຂໍ້ມູນທີ່ປຶກສາສະວິດສ໌ເຊີແລນ ແລະ ຫຼາຍຫົວໜ່ວຍກະສິກຳ, ໂຮງຮຽນອະຊີວະ, ບໍລິສັດເອກະຊົນຕ່າງໆ ແລະ ກຸ່ມຜູ້ຜະລິດ.